Agression cuintri cuatri zovins pakistans

Cuatri fantats pakistans a son stâts pacâts e scurtissâts daspò che a vevin refudât une prestazion sessuâl. Il fat al è sucedût îr di sere a Triest tor des dîs, cuant che li dal Molo Audace, stant a ce che a àn contât ai poliziots lis vitimis, plui o mancul cuindis zovins afghans ju àn blocâts domandant prestazions sessuâls.

Cuant che i pakistans a àn rispuindût di no, a son tacadis lis pachis e ancje lis scurtissadis. Une des vitimis al à rivât a scjampâ bande de Cuesture indulà che une patulie de Polizie lu à judât daurman ancje parcè che il zovin si jere sintût mâl. Lis vitimis de agression a son stadis puartadis intal pront socors par jessi judâts, ma par fortune nissun di lôr al è in pericul di vite. (a.d.g.) – 05.08.24