129
E ven jù ancjemò aghe sporcje des spinis di cuatri comuns. I abitants di Remanzâs, Premariâs, Buri e Manzan, dopo cinc dîs, si cjatin ancjemò intes lôr cjasis cu la emergjence aghe, no ancjemò doprabil par bevi o par fâ di mangjâ. I risultâts dai campions di aghe analizâts dal Acuedot Poiana, che al furnìs servizis idrics in 12 comuns de provincie di Udin, a àn dât risultât favorevul dome pai Comuns di Muimans e di Cividât. Il diretôr gjenerâl dal Acuedot, Alessandro Patriarca, al conferme: “O vin lavorât par netâ il serbatori e i condots di distribuzion, ma o vin di continuâ a monitorâ ogni dì la aghe intai comuns cui campions no ancjemò conformis, sperant che la situazion si decidi dentri des prossim 24-48 oris”. (A.I.) – 07.11.2023
