Il Consei regjonâl al à fat bon a largje maiorance il dissen di leç 175, che al previôt modifichis ae leç dal 2010 su lis misuris di aiût al acuist di carburants, introdusint la pussibilitât di un scont super e di un altri aiût ai citadins che a stan a mancul di 10 chilometris dal confin.
“Plui sconts, plui flessibilitât e eficacitât, plui tecnologjie. A son chescj i trê filons principâls dal inzornament di chê che o clamìn ‘ leç carburants’ in Friûl-Vignesie Julie. O garantirìn duncje ancjemò l’aiût ai citadins, soredut in chest moment storic, par sbassâ lis spesis par cuistâ i carburants e, tal stes timp, o limitarìn il turisim dal plen, danôs no dome pe economie nazionâl e regjonâl, ma ancje pal ambient”, al à dit l’assessôr regjonâl al Ambient Fabio Scoccimarro intervignint in Aule. (ADG) – 23.11.2022
