Ai 19 di Novembar dal 1929, a Udin al nassè il plui grant artist furlan dal secul vincjesim. Si che duncje vuê Giorgio Celiberti, il patriarcje de art furlane (e forsit no dome di chê), il plui grant di ducj achì, al fâs 95 agns. L’an passât al à fat fieste pai siei prins 75 agns di art, tacant de storiche partecipazion ae Bienâl di Vignesie dal 1948. La fieste, scomençade a Rome, e je lade indevant chest Istât, cuant che, simpri tal Parlament talian, l’artist al à donât une sô piture in memorie dai muarts sul puest di vore. Di cualchi dì, une antologjiche di oparis – uns cincuante pituris, sculturis, incisions – e je stade inmaneade a Bruxelles, in trê plans de sede de Regjon F-Vj, dentri di un progjet di valorizazion dai artiscj furlans inmaneât di “Friuli nel Mondo” fat par cure di Marianna Accerboni. Pai mês che a vegnin, Celiberti al à za in program une schirie di progjets, par GO!2025 e no dome. Bon complean, Mestri! (A.I.) – 19.11.2024
Foto di Andrea Dalla Costa
