A son cuatri i atletis furlans che a fasaran part de selezion nazionâl taliane ae 16 edizion invernâl dal European Youth Olympic Festival, la manifestazion dedicade ai atletis tra i 14 e i 18 agns, che si tignarà in regjon da sabide ai 21 ai 28 di Zenâr. Intal “Italia Team”, il Friûl- Vignesie Julie al sarà rapresentât di Greta Pinzani inte cumbinade nordiche; Martina Zanitzer, Noelia Vuerich e Martino Zambenedetti intal salt, ducj tesserâts cul Sci CAI Monte Lussari. La Italie, in cualitât di nazion che e ospite, e sarà presint in dutis lis 12 dissiplinis, par un totâl di 109 atletis (56 fantats e 53 fantatis) in gare cun plui di 1200 atletis in rapresentance di 47 nazions. Sabide ai 21 a Triest, in Place Unitât, la cerimonie di viertidure par un avigniment che al torne in Italie dopo 30 agns, ae presince dal President dal Coni, Giovanni Malagò. (A.I.) – 19.01,2023
140
