Fedriga-2 a lavine!

Massimiliano Fedriga a lavine al è stât elet cul 64,2% dai vôts, il prin president de Regjon Friûl-Vignesie Julie confermât pal secont mandât. La afluence complessive in regjon, intes 1.360 sezions di vôt, e je stade dal 45,26%, in calâ a pet des ultimis elezions. A pet des elezions politichis, al è ancje il sorpàs su Fratelli d’Italia di bande de Leghe, il partît di Fedriga, che al à declarât di sintîsi “une grande responsabilitât” pe fiducie che i è stade rimetude. Il so aversari Massimo Moretuzzo si è fermât invezit al 28,4%, un pôc miôr dal 26,83% di Sergio Bolzonello, cinc agns indaûr. (A.I.) – 04.03.2023