131
La Fanfare dai alpins de Julia e anticipe vuê dopomisdì aes 5 in Place Libertât a Udine la viertidure uficiâl di “Friuli Doc”. La scree sul palc di onôr di cheste vincjesime novesime edizion cun Giannola Nonino, la siore des sgnapis. Il zîr uficiâl cu lis autoritâts e la fanfare si movarà dal bancut de Regjon Friûl-Vignesie Julie in Zardin grant. Daurman a scomençaran i prins avigniments, tant che la mostre “Contis popolârs furlanis pe scuele” in vie Manin inte sede de Filologjiche e l’aperitîf al bancut di PromoTurismo, che al torne in dutis lis zornadis de fieste. La zornade si sierarà in Place Libertât cul “Fieste sot des stelis”, spetacul di danze moderne e urbane dal Broadway Dance studi di Udin. (A.I.) – 07.09.2023
