Si va di Alanis Morissette, une des cjantantis plui impuartantis de storie dal rock, fint a Steve McCurry, un dai plui grancj fotoreporter dal secul. A son dome un pâr dai nons che a vierzin la lungje liste di ospits clamâts par GO!2025&Friends, progjet che al viodarà cetancj avigniments in bande dal cartelon di GO!2025 ancje di là de citât di Gurize e di Gnove Gurize. A rapresentâ l’impuartant event, che al è nassût intal segn de union e dal superament dai confins, la imagjin realizade dal dissegnadôr cressût a Udin, ma di innomine mondiâl Lorenzo Mattotti. Sielte pal manifest che al compagnarà i apontaments de Capitâl e dal program colegât GO!2025&Friends, e met in struc i temis dal superament dai confins, la condivision, lis influencis e la impuartance de culture che si messede tra i doi Paîs. Par cjapâ i visitadôrs che a vignaran a scuvierzi lis dôs citâts di Gurize e di Gnove Gurize, al sarà presentât un percors in dute la regjon, tacant de cjantante canadese, che ai 22 di Jugn dal 2025 a Vile Manin di Passarian e presentarà la uniche date taliane dal so tour in zîr pal mont. (A.I.) – 21.10.2024
6
