Ai 13 di Mai dal 2012 il Stadi Friuli di Udin al ospitave i Metallica, innomenât grup di heavy metal, cu la uniche date taliane dal tour celebratîf dal monumentâl “Black Album”. Daspò di dodis agns, l’implant sportîf plui impuartant dal Friûl-Vignesie Julie, fra chei plui in avanvuardie di dute Italie, al torne a jessi il lûc ideâl par ospitâ grancj avigniments musicâi in graciis de sinergjie fra Zenit, Comun di Udin e Udinese Calcio, che a àn lavorât intun par tornâ a dâ ae citât, e a dute la Regjon, la oportunitât di ospitâ concierts internazionâi. Il prin al sarà chel di Zucchero “Sugar” Fornaciari, l’artist talian cognossût e amât in dut il mont, che domenie ai 23 di Jugn al tornarà a vierzi il stadi di Udin ae musiche cul unic conciert talian a Nordest dal gnûf tour intai stadis, “Overdose d’Amore”. (A.I.) – 31.10.2023
93
