La polizie e dopre il taser par cuietâ un cjoc

da Alessandro Di Giusto

Cjoc in bale e rabiôs. E cussì, a un om di Udin, miercus sore sere ai 29 di Zenâr, i è tocjade la esperience di cjapâ une scjarie di energjie eletriche cul taser. Lu àn doprât i agjents de Cuesture di Udin, clamâts parcè che un om in vie Poscolle al stave dant di mat e al dave jù cuintri di chei che a passavin di chês bandis.

Il fat al è sucedût juste di front de farmacie: i agjents rivâts daurman a àn evitât altris problemis, ma a àn vût il lôr ce fâ par cuietâ il cjoc, tant che un dai agjents al è ancje colât par tiere intant che al cirive di blocâ il sfolmenât.

L’om al è stât arestât cu la acuse di resistence a uficiâl public e po puartât in Cuesture. (a.d.g.) – 30.01.2025

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Progjet finanziât de ARLeF
Agjenzie Regjonâl pe Lenghe Furlane

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui