Cheste volte e je chê juste: Lorenzo Lucca, l’atacant dal Udin, al è stât clamât in Nazionâl dal comissari tecnic Luciano Spalletti. L’ex alenadôr dai blancs e neris lu veve za clamât cualchi mês indaûr par un pâr di partidis di “prove”, ma si jere fat mâl. Cheste volte invezit si è infortunât Moise Keane e cussì Luca al sarà a disposizion tes dôs partidis di Nations League, sperant salacor ancje di fâ la sô prime partide cu la maiute celeste. A tacâ di chê di lunis ai 14, propit tal stadi di Udin, là che la nazionâl de Italie e zuiarà cuintri chê di Israêl. L’an passât, Lucca al è stât il miôr zovin atacant talian e tes primis partidis di chest campionât al à fat trê goi: cuintri Lazio, Parma e Inter. A son 12, a chest pont, i zuiadôrs dal Udin impegnâts cu lis selezions nazionâls dai lôr Paîs. (A.I.) – 07.10.2024
66
