Daspò un pâr di mês, l’Udin al cjatarà al stadi ‘Friuli’ chê altre scuadre blancje e nere di Italie. La gjavade a sorte dai calendaris dal campionât 2023/24 e à selezionât di fat pe prime zornade de scuadre di Sottil, ai 20 di Avost, propri la Juventus: la scuadre che e veve sierât la stagjon passade, ai 4 di Jugn, in chê che si clamave ancjemò ‘Dacia Arena’ . Daspò siet dîs, la prime trasfierte cu la Salernitana, ai 3 di Setembar di gnûf in cjase cul Frosinone, che e sarà la scuadre de ultime partide di campionât dai furlans, in trasfierte, ai 26 di Mai dal 2024, viodût che ancje chest an il ziron di lade e chel di tornade a son ‘asimetrics’. Altre “casualitât”: ai 5 di Mai, propit un an dopo la vitorie dal scudet a Udin, al sarà ancjemò Udinese-Napoli. Ai 23 di Dicembar, intal turni ‘di Nadâl’, la scuadre e zuiarà a Turin, ai 30 a cjase cul Bologne e po dopo di gnûf al ‘Friuli’ il dì de Epifanie. (A.I.) – 05.07.2023
123
