L’Udin in crisi: nol vinç plui di passe 100 dîs

Cumò e je crisi pardabon. Dopo la disfate in cjase cul Bologne, l’Udin al à decidût di mandâ in ritîr i zuiadôrs in prevision de partide di domenie prossime, a misdì cu la Sampdoria. La disfate par 2-1 cu la scuadre alenade di Thiago Motta e à confermât dome chel che si jere capît aromai di timp: la scuadre che e vece tacât il campionât cun 6 partidis vinçudis une daûr di chê altre, puartantsi dongje de zone Europe, e je sparide. Dai 3 di Otubar, passe 100 dîs, no rive plui a vinci: 11 garis là che a son rivâts 6 patis e ben 5 disfatis. La ultime, inspietade, e à metût in mostre i limits tecnics e no plui dome che fisics. (A.I.) – 16.01.2023