Muarte in Venit une fantate di Tumieç

Tragjedie de strade ae albe dal 1° Novembar in Venit, a Paderno del Grappa in provincie di Trevîs. La vitime e je Miriam Ciobanu, studente di 22 agns resident cui gjenitôrs a Fonte, in Venit, ma origjinarie di Tumieç. Il vuidadôr, un fantat venit di 23 agns, ae vuide sot dal efiet di alcul e droghe, al è stât arestât dai Carabinîrs di Castelfranco Veneto cu la acuse di omicidi stradâl. Miriam e veve passât la serade cul morôs: dopo une barufe, al same che e vês decidût di lâ a pît bande la abitazion dal pari. E jere daûr a cjaminâ sul cei de strade, in vie Vittorio Veneto, cuant che e je stade centrade in plen de machine, une Audi, e e je muarte sul colp, par vie dai traumis tant grivis ripuartâts, suntun trat di strade za teatri di altris incidents. (A.I.) – 02.11.2022