Il Coro Giovanile Italiano de Federazion corâl nazionâl Feniarco si esibirà pe prime volte intai Zardins dal Quirinâl a Rome, dentri dal program uficiâl dal setantesim setim aniversari de Republiche Taliane. Intal gnûf organic dal grup nazionâl, diret di Marco Berrini e selezionât traviers audizions, a son ben nûf i coriscj che a vegnin dal Friûl-Vignesie Julie. Il fuart contribût artistic al testemonee l’inlidrisament de culture corâl in regjon e la cualitât des sôs espressions ancje tra i zovins. Lis vôs che a rapresentin in maniere simboliche dute la Italie, une specie di ‘Nazionâl’ des corâls, a fasaran pe ocasion un program in linie cul contest, in onôr dal President de Republiche, Sergio Mattarella. (A.I.) – 01.06.2023
132