A son sîs lis personis, ducj zingars, arestadis vuê sul cricâ dal dì dilunc di une operazion coordenade dal sostitût procuradôr Andrea Gondolo in cetancj comuns dal teritori ator di Udin.
Lis personis cjapadis dentri a son vincj, dutis di etnie sinti; a une di lôr, di nazionalitât slovene, al è stât improibît di stâ in Friûl-Vignesie Julie. I reâts contestâts a son la associazion par delincui par fâ rapinis, fraudis, ricicli e auto ricicli.
Dute la operazion e je tacade di une investigazion de Cuesture di Udin dopo che a jerin rivadis cetantis denunziis di fraude tal 2023. L’an dopo si son zontâts ancje i Carabinîrs e la Vuardie di finance par fâ i controi sui patrimonis.
Vuê sul cricâ dal dì i agjents di dutis i trê lis fuarcis dal ordin a àn fatis cetantis percuisizions in uficis, abitazions e locâi, come ordenât dal document di 120 pagjinis dal judiç de indagjins preliminârs Giulia Pussini. A son stadis secuestradis un toc di Villa Giuseppe a Pradaman, indulà che e je a vivi la persone che e je considerade a cjâf de organizazion criminâl, un ufici a Manzan, une abitazion a Cjargnà e une a Buri. (a.d.g.) – 08.04.2025
