Robarie di autos a S. Zorç di Noiâr

Une bande di laris e je jentrade in azion vie pe gnot tra miercus ai 9 e joibe ai 10 di Avrîl a S. Zorç di Noiâr, puartant vie une auto dopo vê cjapât di smire cetancj mieçs dilunc des stradis dal paîs.

In dut a son stâts sfuarçâts dôs machinis e un ciclomotôr, ma dome une des autos e je stade puartade vie. Si trate de Ford Ka di proprietât di un om di 61 agns. I laris a àn ancje cirût di robâ une Opel Corsa dopo vê fiscât une barconete e il bloc de clâf.

Robât ancje un scooter, che dut câs al è stât bandonât no masse lontan dut ruvinât. Lis vitimis de robarie a àn presentât la denunzie vie pe matine di îr ai carabinîrs di S. Zorç, che cumò a stan fasint lis investigazions. (a.d.g.) – 11.04.2025