Udin cence Beto, Napoli cun 10 mil tifôs

A saran plui di 10 mil i tifôs napoletans al stadi Friuli/Dacia Arena doman di sere pe partide che e podarès consegnâ il scudet al Napoli. Un obietîf che al podarès jessi rivât za usgnot, se la Lazio no ves di vinci. Dal pont di viste sportîf, l’Udin al rive cuasi cence zuiadôrs in atac e dome Nestorovski a disposizion di Sottil. L’ex alenadôr Spalletti invezit al puartarà dute la scuadre pe fieste scudet, che e je deventade ancje un probleme di ordin public, viodût che il Napoli al tornarà a cjase dome di buinore dopo la partide e za vuê al sarà intun albierc ae perifarie Nord de citât. (A.I.) – 03.05.2023