A Caprive il festival dai futûrs pussibii

Cun incuintris clamâts “future talk”, cunvignis dal avignî, ven a stâi laboratoris di teatri, dissen, scriture, neurosiencis, filosofie contemporanie e antropologjie, vinars ai 28 e sabide ai 29 al rive a Caprive, te Vile Russiz, “Futuribii”, il festival dai futûrs pussibii, ideât e inmaneât dal coletîf artistic DMAV. Un viaç ae scuvierte dal avignî che al ven sù intal presint, traviers il dialic cun storiis e esperiencis dal passât, metudis in relazion cu lis tematichis de nestre contemporaneitât. Ispirâts de vision poetiche dal poete gradesan Biagio Marin, vinars si fevelarà di “Tecno magjie”, ma al sarà ancje il conciert dal duet Bono/Burattini, intant che sabide si fevelarà di tango, yoga e felicitât, prime di sierâ cul conciert “visîf” dai Lakick. (A.I.) – 27.06.2024