A Carniarmonie une fin de setemane plene di concierts

Dopo il grandiôs conciert di scree a Çurçuvint, cun Mario Brunello e la Fvg Orchestra, Carniarmonie al torne a tacâ la sô programazion cetant siore, che e larà indevant fint a Setembar par un totâl di 36 concierts. La fin de setemane di vinars ai 14 a domenie ai 16 e ufrirà musiche classiche, world music, pop e contaminazions tra Cjargne, Cjanâl dal Fier e Valcjanâl. Vinars ai 14 a Mueç la Academie di Arcs “Arrigoni” e sunarà insiemi cul violinist di dîs agns Mark Chia, il dì dopo a Doltris di Dimpeç il Duet Nihz al propon un conciert cun “anime ebraiche” e domenie ai 16 a Malborghet-Valbrune a sunin lis Extracello cu la bateriste Maria Petrova. (A.I.) – 13.07.2023