A Cividât il teatri pai zovins sot dai 30 agns

“Mittelyoung”, il festival de Mitteleurope pai zovins sot dai 30 agns, al è pront a tacâ par trê zornadis di spetacui a Cividât, di martars ai 16 a joibe ai 18 di Lui. Rivât ae sô cuarte edizion, al è aromai un apontament spietât e preseât, par viodi une gjenerazion in sene e tal stes timp par dâ une poie produtive a chescj zovins. Sielts tra lis 250 candidaturis rivadis di dute Europe, i nûf spetacui di “Mittelyoung” – 2 di musiche, 2 di teatri, 2 di danze e 3 di circ – a provaran a contâ i “Disordins”, il teme sielt pe edizion 2024 dal Mittelfest dal diretôr artistic Giacomo Pedini. A Cividât i artiscj di sîs Paîs – di là de Italie, a vegnin de Belgjiche, dai Paîs Bas, di Romanie, Serbie e Svuizare – a presentaran i lôr spetacui: i trê vincidôrs sielts di une jurie di esperts a saran ancje intal cartelon dal Mittelfest, la setemane che e ven. (A.I.) – 15.07.2024