A Cividât une conte in musiche pai 100 agns de Callas

Intun percors jenfri narazion e musiche, “Callas, la diva e la donna” (“Callas, la dive e la femine”) al conte sabide ai 27 tal teatri “Ristori” di Cividât la storie artistiche e umane di Maria Callas, la plui innomenade sopran di simpri. Protagoniscj vocâi a son dôs vôs che a àn vinçût tantis competizions, i soprans Min Ji Kim e Chiara Fiorani, cu la mieç sopran Ida Maria Turri, che e recite e che e je la autore dal test senic. Compagnadis di Stefano Romani al piano, a presentaran aiars e duets che a son stâts cjavai di bataie de Callas, cuntun test che al met in mostre lis tapis de vite de “Divine” a 100 agns de nassite. (A.I.) – 26.01.2024