A Cjasarse la musiche dai Pink Floyd

Di “The Dark Side of te Moon” fint ai ultins albums, cun ducj i tocs plui famôs e altris mancul sunâts dal vîf. Un viaç emozionâl di musiche, peraule e efiets speciâi par ripassâ passe 50 agns de cariere musicâl di un dai grups che a àn fat la storie dal rock mondiâl: i Pink Floyd. Sabide ai 12 tal teatri “Pier Paolo Pasolini” di Cjasarse e larà sù une des plui preseadis band che a ricrein la musiche dal grup di liende britanic, i Pink Planet, ospits di un avigniment inmaneât di SimulArte, fat ancjemò plui spetacolâr pal fat di doprâ efiets senics. (A.I.) – 11.10.2024