Li dal Museu di Art Moderne e Contemporanie di Cjase Cavazzini a Udin miercus ai 25 aes 8.30 sot sere si tignarà la esibizion di Roberto Dani. Il conciert par batarie “preparade”, dal 2003 il progjet plui impuartant dal musicist, e je une investigazion in continui divignî su lis relazions pussibilis tra scriture e improvisazion. Chest al sarà l’avigniment conclusîf dal progjet “Contrappunto/PAC. Lis acuisizions”, il progjet dedicât aes gnovis oparis di art contemporanie pal museu, ideât e curât di Francesca Agostinelli e Vania Gransinigh. L’intindiment al è chel di contribuî a evidenziâ i rapuarts tra lis arts visivis dal nestri timp, la musiche e la danze. La manifestazion si fâs in graciis de poie dal PAC2022-2023 – Plan pe Art Contemporanie, che al supuarte e al incoragje la cualitât e la continuitât de incressite des colezions publichis di art contemporanie. (A.I.) – 24.09.2024
Foto di R. Maci
