A “Dedica”, incuintri de protagoniste cui zovins

Si rinove l’incuintri fra leterature e cine al festival “Dedica”, in cors a Pordenon fin a sabide. Vinars ai 24 al sarà proietât “Corniche Kennedy”, un cine diret di Dominique Cabrera intal 2016, gjavât dal libri omonim de scritore al centri de rassegne, Maylis de Kerangal: un ritrat straordenari di zoventût tal moment di un rituâl di passaç adolessenziâl. In merit dai zovinis: tal dopomisdì, intal convent di S. Francesco, premiazions dal concors “Peraulis e imagjins par Maylis de Kerangal”, dulà che a àn partecipât 600 fantats di cinc scuelis superiôrs. (A.I.) – 23.03.2023