A Grau al torne il cine al viert in biciclete

Cine al viert, incuintris cui protagoniscj, zîrs in biciclete ae scuvierte dal teritori, cercis e concierts: la seconde edizion dal “Cinebike Festival” si impie cuntun program plen di cines, avigniments e incuintris dedicâts a dute la famee. Apontament a Grau dai 15 ai 22 di Jugn, cuntune serade speciâl di anteprime a Cormons, vinars ai 14. La arene “bike-in” e reste il centri dal festival, ven a stâi la version su dôs ruedis dal innomenât drive-in american: dentri dal Parco delle Rose, la arene e sarà acessibile in biciclete sore nuie, par podê cjalâ i cines in cartelon, sentâts sot des stelis. La programazion e zontarà cines storics e materiâi di archivi a novitâts e anteprimis, di là di une mostre dedicade al mont de biciclete viodût traviers i fumets. (A.I.) – 11.06.2024