A Grau e à tornât a vierzi la arene pal cine a dôs ruedis

Il festival “Cinebike” si prepare a une setemane plene di apontaments par ducj i guscj cun cine al viert, incuintris cui protagoniscj, zîrs in biciclete ae scuvierte dal teritori e cercis. La arene bike-in dentri dal Parco delle Rose di Grau, ven a stâi la version su dôs ruedis dal innomenât “drive-in” american, e sarà acessibile sore nuie in biciclete, in monopatin o a pît, par podê cjalâ i cines sentâts sot des stelis. Martars ai 18 aes 9 sot sere e je previodude une maratone di curtmetraçs: tredis titui tant che omaç ae biciclete e a dutis lis vicendis umanis, storichis e sportivis leadis aes dôs ruedis. (A.I.) – 17.06.2024