A lezion di Svevo cul scritôr Covacich

Un dai scritôrs talians plui preseâts al sarà impegnât intune lezion spetacul su Italo Svevo pai students di Udin. Si intitule “Svevo” la presentazion che Mauro Covacich e fasarà joibe ai 30, aes 11 di matine, al Auditorium Zanon. Une iniziative pilote pes Scuelis secondariis di secont grât de citât di Udin, cu la poie dal Isis ‘Malignani’ e dal progjet di teatri e scuole dal Ert. Covacich, in librarie di pôcs dîs cul gnûf romanç “L’avventura terrestre”, al fasarà une lezion rafinade e apassionante su un dai dius tutelârs de leterature dal Nûfcent e su la sô opare rivoluzionarie “La coscienza di Zeno”, che chest an e fâs cent agns. Il spetacul al è il prin di une trilogjie che e cjape dentri altris doi zigants leâts ae citât di Triest: James Joyce e Umberto Saba. (A.I.) – 28.03.2023