A Lignan al è il moment di Loredana Bertè

Dopo la partecipazion al Festival di Sanremo, Loredana Bertè, une des artistis plui preseadis de musiche lizere taliane, e je daûr a concuistâ i palcs dal Istât cu la gnove tournée dal titul “Ribelle – Summer Tour 2024”. La Bertè e sarà in conciert in esclusive pal Friûl-Vignesie Julie joibe ai 22 te Arene Alpe Adria di Lignan, un avigniment lât dentri dal calendari dal Lignano Sunset Festival. Il 2024 al è un an impuartant inte cariere di Loredana Bertè: a son di fat cinc decenis che la artiste e navighe tra lis ondis e i aiars de sene artistiche, e par contâ dutis lis sôs mil vitis e à publicât “Ribelle” (Ribele), une racuelte cun 57 tocs. Il spetacul che la artiste e presente sui palcs al è un imni ae libertât, un spetacul che al puarte in sene dut il mont de cjantante e la sô cariere, un sucès daûr di chel altri. (A.I.) – 21.08.2024