A Maran, cuatri dîs di jazz in lagune

Dai 22 ai 25 di Jugn al torne a Maran pe seste edizion “Borghi Swing”, rassegne di concierts a gratis inmaneade di Euritmica e de aministrazion comunâl, che e introdûs “Udin&Jazz”. Si tache joibe ai 22 aes 6.30 dal Molo Pescheria Vecchia cu la escursion aromai tradizionâl in lagune sul batel Santa Maria, par un aperitîf compagnât de musiche blues dal duet Cucumber Green. Di sere, in place Frangipane, “Sacro e Profano”, progjet di Daniele Di Bonaventura e Roberto Lori. Vinars ai 23, in diviers lûcs de citât, Luca Colussi Trio e Penelope e i Diabolici Toupè, un grup che al va ae scuvierte dai agns ’60. La rassegne, fint a domenie, e je compagnade di bancuts enogastronomics cun specialitât di pes a pene pescjât in lagune. (A.I.) – 21.06.2023