A Pordenon il documentari su la ‘gnot de republiche’ a Gjenue 2001

A son daûr a tacâ lis anteprimis de decime seste edizion dal Pordenone Docs Fest. Joibe ai 9 aes 8.45 di sere al rive a Cinemazero “Se fate i bravi”, il cine sul G8 di Gjenue 2001, in presince dai regjiscj Daniele Gaglianone e Stefano Collizzolli. Il documentari, presentât ae Mostre dal Cine di Vignesie e finalist dai “Nastri d’argento” pal cine dal reâl, a plui di vincj agns dai fats di Gjenue al conte al dì di vuê un passât interot. Vincj agns a rapresentin un cicli di timp uman: il timp just, pai autôrs, par capî ce che a àn significât pe Italie i fats di Gjenue, “la gnot de republiche”, cuntun cine che al à la forme di un diari fevelât. (A.I.) – 08.02.2023