A Pordenon lis liendis dal rock (e dal punk)

Il “Pordenone blues & Co.” Festival al scomence la trentesime seconde edizion al Parco San Valentino cuntun grup che al rapresente la storie dal rock: i Deep Purple, veris liendis cuntune cariere che dure di plui di 50 agns, une band che e à influençât gjenerazions di musiciscj e scrit cetancj dai classics plui grancj de storie. E che ancjemò vuê e viôt Ian Gillan, Roger Glover e Ian Paice de formazion storiche. Il festival al continue ancje inte fin de setemane cui sunôrs dal punk e dai Agns ‘80: sabide al prin di Lui The Cult, domenie ai 2 Ruts Dc, Buzzcocks e The Stranglers. (A.I.) – 29.06.2023