A Pordenon un festival storic che al cjale al passât

Edizion numar 30 a Pordenon pe rassegne storiche “Music in Village” cun cuatri seradis di grande musiche nazionâl e soredut internazionâl. Miercus ai 7, intal parc IV Novembre, si tache cun Horace Andy, une vere liende de musiche gjamaicane e dal reggae internazionâl, po dopo un Dj set di Bunna, il cjantant dai Africa Unite. Joibe ai 8, a tornin Doctor & the Medics, la band che a metât dai agns ‘80 e veve ripuartât di mode cierts sunôrs di doi decenis prime. Inte fin de setemane, vinars ai 9 il ska punk dai talians Persiana Jones e sabide un altri mît dai ‘80: Kid Creole & the Coconuts. (A.I.) – 06.06.2023