A Pordenon za in code pai spetacui dal ‘Verdi’

Intant che al va indevant cun sucès la campagne abonaments pe Stagjon 2023–2024 dal Teatri ‘Verdi’ di Pordenon, si son viertis ancje lis prevenditis dai biliets pai spetacui singui in cartelon. Fin de viertidure de bilietarie, la rispueste dal public e je stade strabuine, in spiete dal propri turni par sielzi i spetacui de programazion, dal teatri pordenonês, tra ‘primis’ e grancj nons de sene taliane e internazionâl, cun classics e gnovis scrituris di teatri, la grande musiche e lis propuestis di danze di nivel mondiâl, par cure dal gnûf consulent Roberto Prosseda. Tancj i grancj nons in program: Paolo Rossi, Rocco Papaleo, Sonia Bergamasco e tancj altris, dome pal teatri! (A.I.) – 04.10.2023