A Prissinins la prime stagjon di teatri tal circuit dal Ert

Dopo la serade fortunade de passade Vierte cun Gioele Dix e il so “Ai nostri tempi (biblici)”, si rinfuarce la colaborazion de aministrazion comunâl di Prissinins cul Ent Regjonâl Teatrâl dal Friûl-Vignesie Julie. L’Auditorium Comunâl al ospitarà intai prins mês dal 2025 une stagjon componude di trê apontaments. Sul palc di Prissinins, par cheste prime stagjon, a rivaran il comic Federico Basso cul so monolic “Profilo Basso”, in esclusive intes stagjons dal Circuit dal Ert, po dopo il Teatri Incerto cul gnûf spetacul di Fabiano Fantini, Claudio Moretti e Elvio Scruzzi, scrit intune cul atôr udinês Giovanni Visentin, e par sierâ une comedie musicâl ambientade intai agns Cincuante: “Fino alle stelle”. (A.I.) – 25.11.2024