35
“San Vito Jazz” 2025, il festival promovût dal Circuit dal ERT e dal Comun di S. Vît dal Tiliment cu la direzion artistiche di Flavio Massarutto, al propon vinars ai 21 tal Teatri Sociâl Antîc “Arrigoni” l’unic ospit internazionâl de rassegne, il pianist cuban Aruán Ortiz cul so progjet di plan dome “Cub(an)ism”, za dut plen in prevendite. Nassût a Santiago di Cuba, Ortiz al messede jazz, musiche classiche e avanvuardiis: il so ultin album al è stât a pene regjistrât in Friûl, intai studis “Artesuono” di Stefano Amerio, a Cjavalì, pe etichete svuizare Intakt Records. (A.I.) – 20.03.2025
