A Siest al è za pront il festival musicâl estîf intal borc medievâl

A son vegnûts fûr i prins apontaments de decime otave edizion di “Sexto ‘nplugged”, un dai festivai musicai plui impuartants e origjinâls di Italie, dai 6 ai 11 di Lui a Siest, inte storiche piazza Castello, intal cûr di un dai borcs medievâi plui antîcs e inmagants di Italie. Dopo il sucès de edizion passade, la manifestazion musicâl e à fat savê i nons dai ospits principâi. Si tache ai 6 di Lui cun la pluripremiade pianiste, compositore e cjantante polache Hania Rani; il dì dopo i King Hannah, duet di Liverpool, e ai 8 di Lui i talians Verdena. Ai 9 il festival al ospitarà in esclusive nazionâl il cjantautôr inglês Ben Howard, un dai câs musicâi dal moment. A sierâ, la band britaniche Dry Cleaning. Biliets e abonaments a son za disponibii, cun sconts par cui che ju cuiste prime de fin di Març. (A.I.) – 20.03.2023