A Staranzan il festival des sperimentazions

Si scree la vincjesime seconde edizion di “DobiArtEventi”, il festival multimediâl des sperimentazions inmaneât dal Grup aree di ricercje DobiaLab. Esposizions video, instalazions multimediâls e artistichis, proiezions di documentaris, musicâi e curtmetraçs, zûc a premis sul mont cinematografic intun furgon interatîf e esibizions di musiche eletroniche, rock e jazz a scjaldaran la atmosfere in cuatri apontaments, dai 22 ai 24 di Avost e po ai 27. Si instreçaran cussì diviers percors e lengaçs creatîfs cun artiscj e progjets locâi che a vignaran metûts a confront cun personalitâts nazionâls e internazionâls. Inte sede di DobiaLab a Staranzan, si tache cuntune serade dedicade a Tristan Honsinger, violoncelist e compositôr american muart a Triest ai 5 di Avost dal 2023, che in passât al jere stât plui voltis a sunâ a Dobialab. Il festival al larà indevant vinars ai 23 di Avost cuntune imersion inte musiche eletroniche, po dopo une serade avant-rock e jazz e martars ai 27 une finâl dedicade aes produzions videos di chenti. (A.I.) – 21.08.2024