A teatri la storie di une pioniere dal gjornalisim

Inte suaze de rassegne dedicade ae Zornade internazionâl dai dirits des feminis, promovude dal Comun di Udin, miercus ai 19 tal Teatri “San Giorgio” si tignarà il spetacul teatrâl e musicâl “L’incredibile storia vera di Nellie Bly – Giornalista d’assalto e di cuore” (La storie vere e di no crodi di Nellie Bly – Gjornaliste di assalt e di cûr). L’avigniment, par cure di SimulArte, al è une ocasion uniche par scuvierzi e aprofondî la figure di Elizabeth Jane Cochran, in art Nellie Bly, pioniere dal gjornalisim di inchieste e simbul de emancipazion feminine. Dopo diviersis rapresentazions, cheste e sarà la prime che e larà in sene intun teatri di Udin. Il spetacul al è scrit e interpretât di Valerio Marchi, compagnât des leturis di Carla Manzon e des musichis di Giuliano e Alessio Velliscig. (A.I.) – 18.03.2025