A Triest si sielzin i cines di sucès dal an che al ven

Cinecittà e à sielt Triest tant che sede, dai 28 di Jugn ai 2 di Lui, de vincjesime edizion dai “Italian Screenings”, event anuâl dedicât al cine talian. L’apontament, organizât cu la Fvg Film Commission – PromoTurismoFVG, al met in prin plan lis gnovis produzions, presentant adiriture 70 proiezions privadis di anteprimis mondiâls e i grancj cines de stagjon che e ven ai rapresentants di plui di 100 societâts di distribuzion e di produzion di cinc continents e 27 Paîs de Europe, Americhe, Asie e Australie. Plui o mancul 20 compagniis, talianis prin di dut, specializadis inte distribuzion internazionâl, a varan la oportunitât di proponi i lôr cines a un public selezionât di spetatôrs di ecelence. La regjon e je stade sielte parcè tant trative pes produzions. (A.I.) – 28.06.2023