A Udin e a Pordenon a tornin a tacâ i cines di Pasolini

A Cinemazero e al Visionario a tornin a tacâ i apontaments cu la retrospetive dai cines di Pier Paolo Pasolini: martars ai 10 a Pordenon e miercus ai 11 a Udin, aes 8.45 di sere, proiezion dal “Decameron” (1971), il prin cine de “Trilogjie de vite”, ispirât a nûf contis di Boccaccio, che l’autôr al veve ambientât a Napoli. A introdusi la proiezion al sarà Marco Antonio Bazzocchi, critic leterari, sagjist e docent di Leterature taliane contemporanie ae Universitât di Bologne. Inte ocasion, il studiôs al presente il so volum “Alfabeto Pasolini”, une mape par movisi dentri dal arcipelac di poesiis, contis, romançs, saçs e cines dal grant inteletuâl. La retrospetive, pensade pal centenari de nassite di Pasolini, e previôt ancjemò trê proiezions fin al 1n di Fevrâr. (A.I.) – 09.01.2023