31
Sest apontament de vincjesime seste edizion dal festival “Nei suoni dei luoghi” (Intai sunôrs dai lûcs) che, in colaborazion cun “More Than Jazz”, al propon un spetacul dal alt impat sociâl. Miercus ai 3 inte Glesie di S. Cromazi a Udin, intal cuartîr di S. Domenico, a sunaran la Orchestre Sinfoniche Inclusive (Orchestra AMI), componude di personis cun problematichis fisichis e psichichis, e la corâl Freevoices di Gurize. Il progjet AMI-Ativitât Musicâl Inclusive al è nassût intal 2017 dentri de scuele di musiche Ritmea, impegnade inte realizazion di percors di inclusion traviers la musiche e indreçâts ae disabilitât intes sôs diviersis formis. (A.I.) – 02.07.2024
