A Udin i ‘fantasimis’ de ipocrisie

Une des sioris plui grandis dai palcs internazionâi, la norvegjese Andrea Jonasson, dongje di une compagnie di atôrs strabogns, e je protagoniste di martars ai 28 fin a joibe ai 2 di Març al Teatri Gnûf “Giovanni da Udine” di un titul classic. “Spettri”, di Henrik Ibsen, inte version taliane e adatade di Fausto Paravidino, e je une storie di convenzions sociâls, ipocrisie e veretât. Il regjist Rimas Tuminas – lituan tant che Eimuntas Nekrošius, un altri che al à rinovât la culture teatrâl internazionâl – al è rivât al cûr dal drame scrit di Ibsen intal 1881, cuntun at unic di grande intensitât. (A.I.) – 27.02.2023