Al ‘Bon’ di Culugne a sunin i zovins des scuelis di musiche

Domenie ai 7, aes 6.30 dal dopomisdì, la Fondazion “Luigi Bon” e da acet intal propri Teatri di Culugne ae rassegne di concierts par musiciscj zovins “Incontriamoci tra le note”. La Fondazion e partecipe a cheste iniziative impuartante, inmaneade de associazion culturâl irisMusica, par creâ pardabon un circuit di esibizions des miôr scuelis di musiche dal Venit e dal Friûl-Vignesie Julie. Un calendari di avigniments di grant valôr formatîf, che al da la pussibilitât ai artiscj zovins di esibîsi in apontaments culturâi di rilêf: une biele oportunitât pai fantats, dentri dal propri percors di studis. (A.I.) – 05.05.2023