Al Capitol di Pordenon il fi de liende

Sabide ai 2 li dal Capitol di Pordenon al rive il fi di une liende: Seun Kuti, sul palc cul pari Fela Kuti za cuant che al veve 8 agns, cumò in zîr pal mont cuntune ereditât impuartante. Cui Egypt 80, la band che al à vuidât par agnorums, daspò de muart dal pari, al presente il gnûf album «Heavier Yet», prodot di Lenny Kravitz. Il fi dal “president neri” al puarte indevant la musiche di un dai artiscj plui influents dal vincjesim secul, profete dal afrobeat e ativist nigjerian passât ae storie pes sôs lotis pai dirits dai popui africans. (A.I.) – 01.11.2024