Al cine i borcs bandonâts de mont furlane

I vecjos borcs aromai bandonâts de mont furlane si puedin visitâ ancje traviers il cine. Miercus ai 21 al Sociale di Glemone, la Cineteca del Friuli e presente il documentari “Fantasmi di pietra. Storie di borghi abbandonati in Friuli Venezia Giulia” di Ivo Pecile e Marco Virgilio, ducj i doi presints in sale par introdusi la vision al public. Il biliet di jentrade al è di 5 euros e il rigjâf de serade al sarà destinât a pro des popolazions colpidis de aluvion in Romagne e intes Marcjis. “Fantasmi di pietra” al vuide il spetatôr intun itinerari che al tocje diviersis localitâts de fasse prealpine e alpine, de piçule vile di Predrobac intes Vals dal Nadison ae Val Resie, la Val Racolane, fin a Puartis vecje e ae val Tramontine, intun viaç indaûr intal timp. (A.I.) – 20.06.2023