Al cine il dinosaur ricostruît a Triest

Dopo la anteprime a Triest, a van indevant in regjon lis proiezions dal documentari “Big John” sul scheletri plui grant di triceratop mai scuviert. Il cine, prodot de furlane Agherose in coproduzion cun Agent Double (de Belgjiche) e diret di Dorino Minigutti e Davide Ludovisi, al sarà proietât miercus ai 17 a Cinemazero di Pordenon e il dì dopo al Visionario di Udin. A Jugn al larà ancje a Glemone il documentari sul scheletri plui grant di dinosaur triceratop mai scuviert, ricostruît di une piçule aziende familiâr a Triest par podêlu vendi a une aste internazionâl a Parîs. (A.I.) – 15.05.2023