Al Cjistiel di Udin, un gnûf festival in graciis de Fondazion Danieli

Al debute vuê, lunis ai 29 intal Salon dal Parlament dal Cjistiel di Udin, la prime edizion dal festival di musiche di cjamare “SilenzioMusica”, inmaneât de Fondazion Luigi Danieli, ideât e curât di Nicola Losito, diretôr artistic de Fondazion. Il festival al è viert ae coletivitât e a jentrade libare (su prenotazion traviers il sît www.silenziomusicafestival.it) par celebrâ l’incuintri fra gjenerazions diviersis, stimolâ emozions fra personis di dutis lis etâts, creâ une armonie sociâl valorizant il rûl dai anzians. Si scomence aes 9 sot sere cun musichis di Vivaldi, Bach e Mendelssohn, sunadis di Laura Marzadori (violin), Nicola Losito (piano) e la orchestre di cjamare “L’Appassionata” di Verone, vuidade di Lorenzo Gugole. (A.I.) – 29.05.2023