Al FEFF ancje il regjist di sucès Tsui Hark

Il produtôr e regjist di sucès Tsui Hark, un dai “insumiadôrs” plui grancj di simpri intal cine asiatic, e no dome, al rive pe prime volte a Udin par cjapâ il “Gelso d’oro” (Morâr di Aur) ae cariere des mans dal innomenât atôr Tony Leung Ka-Fai, il prin di Mai, inte suaze de vincjesime setime edizion dal FEFF, il Far East Film Festival. La rassegne e presentarà ancje la prime vision internazionâl dal ultin cine dal mestri dal fantasy “Legends of the Condor Heroes: The Gallants” e la version  restaurade de opare mestre “Shanghai blues”. (A.I.) – 15.04.2025