Al festival di Pordenon, documentaris di ducj il mont

Cinc dîs cun 50 proiezions, 25 anteprimis nazionâls e trê primis visions assoludis, 28 Paîs rapresentâts, desenis di ospits de Italie e dal forest. A son i numars de decime seste edizion dal “Pordenone Docs Fest”, il festival inmaneât di Cinemazero, che dai 29 di Març ai 2 di Avrîl al trasformarà la citât intun osservatori su la contemporaneitât. I cines in concors si contindaran sîs premis: il prin al sarà consegnât a Caesar, un non che al scuint la identitât di un ex fotograf sirian che par agns al à documentât i miârs di cuarps torturâts intes presons di Damasc. Tra chei altris avigniments dal festival: il prin documentari su la vite dal mim Marcel Marceau, cun intervent dal balarin Louis Chevalier, so nevôt, documentaris su la situazion in Ucraine, su la libertât di espression in gjenerâl e sui dirits des feminis. (A.I.) – 28.03.2023